أنا وأمريكا

بسم الله الرحمن الرحيم

اليوم استرجعت بذاكرتى أيام الدراسة الإعدادية

كان الواحد لسه صغير وفى يوم سمعت على أمريكا واللى بتعملوا فى العالم ويومها حطيت مشروعى لكى أضبط أمريكا وأحل كل المشاكل اللى تاعبه الناس

والفكرة طرقعت فى دماغى وفى اليوم التالى قمت من نومى وتوجهت للمدرسة علشان أقابل زمايلى وأحكيلهم على الخطة

ووقفت وقلتلهم خلاص أنتم عارفين أن نفسى فى ايه؟



كل الطلبة بصت فيه ايه؟

قلت لهم أنا عايز ابقى رئيس أمريكا


قلتها وأنا مغمض عينى ولما فتحت لم أجد ولا طالب

بس على مين

رحت بقى للفرقة بتاعتى فى الفصل وشرحت لهم أبعاد القضية
قلت لهم ما هولماأبقى رئيس أمريكا طبعا هاقعد فى الحكم حوالى سنتين وبعد كدا أفرض اللغة العربية للتدريس فى المدارس اجبارى من الحضانة وأبدأ أدرس لهم الإسلام وكل دا كنت حاسب أنه هيستغرق 9 سنين وبعدين أعرب الدواوين وبعدين أفرض الإسلام ديانة رسمية وأنضم لجامعة الدول العربية كل دا هايخد 30 سنة
أصل أنا كنت فاكر اللى الرئيس هناك زى هنا
ويادى الخيبة لما أفتكر الكلام دا دلوقتى بموت من الضحك
ايه رأيكم فى تفكيرى وأنا فى تانية اعدادى؟

اوعى تقول زى ما قلولى ايامها


انتظروا لسا فيها حاجات تانية دا كنت داهية تفكير فى الاعدادى ولسه






تعليقات

  1. اللي عجبني بجد أنك كنت في إعدادي وكنت مهتم للأحوال من حواليك وانك عايز أمريكا (بجلالة قدرها) تتحدث اللغة العربية كلغة أولى وتسلم...على فكرة أنا مش بستبعد كدة...مفيش حاجة بعيدة على قدرة ربنا

    بس انت فكرت انك تعمل الحاجات دي كلها وانت رئيس أمريكا..لكن يا ترى يا هل ترى فكرت ازاي تستحق انك تبقى الرئيس؟ فكرت لية الناس هترضى ترشحك رئيس ليها؟

    بس واضح إن أفكاراتك في المتين
    :)
    كمل..أنا مهتمة أعرف بقية الأفكارات الجهنميات
    :)

    شكراً على الزيارة...واوعدك إن شاء الله إن دي مش هتكون آخر زيارة ليا هنا
    :)
    نوني

    ردحذف
  2. شكرا نونى أنا والله مبسوط جدا انك رديتى وأنا على فكرة كنت عامل حسابى انى هسافر أمريكا واشتغل هناك وهدخل للرئاسة كمواطن عادى وبعدين أنفذ خططى الجهنمية دى

    ردحذف

إرسال تعليق

أتشرف برأيك

المشاركات الشائعة