الأمانى



الأمنيات
اعتدت منذ سنوات أن ألقى الأسئلة على من حولى
وإن لم أجد إجابة أسأل نفسى
أى حاجة
انت ماشى لوحدك ليه؟
أنت مبسوط ليه ؟......متضايق ليه
مش عارف تفسير الحكاية دى ايه

ومش عارف رد فعل الناس اللى بسألهم ايه ؟
وفى أحد المرات سألت أحد الرفقاء
أكثر موقف انبسط فيه كان ايه
فكر شوية ثم قال
فى أحد ليالى الصيف وما أحلى ليالى الصيف قررنا أن نلعب لعبة الأمانى
أحضرنا عدة أوراق
وكان نصيب الفرد منا ورقتين
احداهما لإسمه والأخرى للأمنية التى يمناها
وقمنا بلخبطة الورق فيما يشبه الدوامة التى تأتى من منتصف البحر حتى تسحب جوانبه الى منتصفه
ثم مد كل واحد يده الى احدى اوراق المجموعة الأولى واحدى أوراق المجموعة الثانية وكل شخص وحظه
تبدلت الشخصيات والأمنيات وكل شخص حظى بأمنية صاحبه
وعلت الضحكات وسط هذا الزخم من الأمنيات وأمضى الأصدقاء ليلتهم سعداء
لأنهم أحسوا أن هناك صدى لأمانيهم وأن أمانيهم لو اتيحت لها الفرصة للنقاش لأصبحت واقع
لعبة أمنيات لا بل لعبة الحياه
لعبة تحدث فى حياتنا يوميا

فكم من أمنية تمناها شخص وأصبحت من نصيب شخص آخر لم يعرها الإهتمام الذى اعاره لما فى يد أخيه
إنها لعبة الحياه
أحيانا لعبة الحسد والغبطة
كل إنسان قادر على تحقيق أمنيته بالإصرار والعزيمه
أما إن غلبه النوم والكسل فلينتظر فقد تأتيه أمنية أخيه
وقد يحصل على أمنيته مصادفة


دعوه



لنجعل أمانينا واقعا يجبر الأمانى أن لا تهرب منا


فدعو الكسل وقومو واكتبوا تعليقاتكم أمنيات يقرأها غيركم فما أسهل الأمانى

مصطفى

تعليقات

  1. يارب بعد العوده دي مش تنقطع تاني
    فعلا الاماني دي احسن شئ خصوصا انها ببلاش
    ههههههه
    انا اتمني اني اكون مهندس ولاعب كره مشهور مع بعض :)
    ونفسي اكون فكر سليم ققدر اواجه بيه اي حد واكون اجتماعي اكبر من كده شويه
    تحياتي :)

    ردحذف
  2. الأمانى والأحلام حاجة مهما جدااا فى حياتنا
    سعيد بمعرفتى مدونة حضرتك
    تقبل تحياتى دمت بود

    ردحذف
  3. هل تتحقق الاماني مهما كانت
    ومهما علت
    لا ادري ولكنها اكيد متنفس لنا ان نحلم بتحقيق ما نامل
    وبما اني لي من الامانيى الكثير
    امنيتي الاولي ان يرحمني الله ويغفر لي
    ولاهلي ولوالدي واخوتي
    ثم اسعد في الدنيا مع احبائي
    ولندع التفاصيل

    تحياتي

    ردحذف
  4. الامل هو كل حاجه في الدنيا

    من غيره الحياه مالهاش لازمه

    الامل هو اللي بيخليك تصحي كل يوم من النوم وتلاوح الشغل وتتعب وترجع وتكمل

    ردحذف
  5. سن حنفى
    يارب ياحسن يارب تحقق كل أمانيك وتكون اجتماعى ياسيدى

    انا حليت التاج بتاعك وإن شاء الله أنشره البوست القادم

    ردحذف
  6. mohamed ghalia

    والله نحن أسعد يا محمد

    نورت

    ردحذف
  7. kochia

    يارب يغفر لنا كلنا ولآباءنا يا كوشيا

    ردحذف
  8. dr.lecter

    فعلا يا دكتور احنا عايشين بلأمل

    ردحذف
  9. :D

    هوه انا عندي اماني كثيرة

    نفسي ربنا يرضى عني و يرضيني

    بس منها اني اكون دكتورة كويسة بعالج الناس بإذن الله و اسمع منهم دعوات

    نفسي في مستشفي كبييييييرة الغني فيها يتعامل زي الفقير و علي أعلي مستوي

    عايزة يكون فية مصانع للأدوات الطبية

    نفسي ألاقي كل حاجة made in egypt
    او made in a muslim country

    اي اسم لأي دولة مننا بقة كلنا واحد

    نفسي لو رزقت بابناء ميطلعوش زيي كدة و يطلعوا افضل مني بكتير و يفيدوا و يستفيدوا و يطوروا في البلد

    نفسي اسافر بلاد كتيييييييير


    نفسي في عربية ظغنونة اركبها بدل القرف بتاع المواصلات
    ولا بما اننا اماني بقة
    و كل واحد يقول براحتة
    خلاص خليها
    عربية جاجوار ولا ليكزس او بورش

    يلا كفاية عليكوا كدة

    سلام

    ربنا يحقق كل امانينا اللي فيها الخير لينا و لغيرنا

    آمين

    سلمت يديك

    عجبتني تشبيهك للعبة الاماني بالحياة

    ردحذف
  10. الله
    موضوع يه كمية تفاؤل وأمل غير عاديين حتي اني ابتسمت وانا اقرؤه
    من زمان لعبت لعبة الاماني مع صديقاتي في المدرسة وضحكنا
    ودلوقتي لما بعرف اخبارهم ومن تحققت امنياتها ومن لم تتحقق واتذكر اليوم دا بقول سبحان الله
    لولا الاماني لما تحققت الاحلام

    ردحذف
  11. نعكشة

    يااااه يا نعكشة كل دى أمانى دا أنتى متفئلة أوى والله امانيك جميلة لو اتحققت ليا كنت هكون حاجه تانية وبالذات العربية دى

    يسلم تعليقك

    ردحذف
  12. سنووايت

    لعبة الأمانى أجمل ما فيها اننا نتذكرها فى المستقبل فعلا سبحان الله

    ردحذف
  13. دايما دايما بقول لو اتكلمنا عن امنياتنا واحلامنا هتبقى واقع فى يوم من الايام.......فعلا انك تقول حلمك وتتكلم عنه دة بيديك دفعة حقيقية انك تحققه.......نسيت اقولك وحشتنا جدا وانا شخصيا مفتقداك

    ردحذف
  14. enjy

    والله مش بيدى يا انجى انا مفتقدكم كتيير اوى ونفسى تعزرونى عن التأخير مش بيدى أنا والله بكون مبسوط أوى بتعليقاتك الجميلة

    ردحذف
  15. ما أجمل الأمانى يا درش

    وما أجمل مقالك الذى يذكرنا بأهمية امانيننا بوركت وبوركت يداك

    د/هيما

    ردحذف
  16. بدونها لا استطيع الحياه
    اسأل اللة ان جعل لنا خيالا نتمنى به المستقبل
    ونستشرفه
    تحياتى

    ردحذف
  17. غير معرف6:59 م

    الذين يقرأون لك يا مصطفى حقا محظوظون ولكنى اكثر حظا لانى عرفتك وادركت جنبات نفسك فانت وان صغرتنى سنا ولكنى لا انكر انى تعلمت منك الكثير وارجو ان تظل الاخوة بيننا للابد اخوك حسين

    ردحذف
  18. بوست رائع
    كانت لعبتى المفضلة فى اى تجمع
    أمنيتى ان يتباهى الاسلام بى يوم القيامة

    ردحذف
  19. انت فين يا مصطفي
    مستخبي ليه من زمان

    اوعي تكون رحت هنا ولا هنا .. ولا مدونة تانية وانا مش واخدة بالي

    ابقي قولي
    تحياتي

    ردحذف
  20. كل سنه وانت طيب


    عيد سعيد

    ردحذف
  21. (`'·.¸ (`'·.¸*¤* ¸.·'´) ¸.·'´)
    ♥*** happy feast ***♥
    (¸.·'´ (¸.·'´*¤* `'·.¸) `'·.¸)

    ردحذف
  22. Dr- Hema
    ماشى يا دكتور هيما بوركت انت والله

    احمد بدر الدين

    نورت المدونة يا أحمد المهم أن نضع خيالنا موضع التنفيذ

    حسين
    والله أنا اللى محظوظ أنك ترد على موضوعى يا دكتور حسين

    موناليزا
    دى امنيتنا كلنا يا موناليزا يارب

    kochia
    والله موجود يا كوشيا بس الوقت مش مساعد وحاسس أن نفسى منقبضة كدا وعموما أنا فى غاية السعادة أن فى ناس زى حضرتك متذكرنى وبيسأل عنى


    حسن حنفى
    عيد مبارك يا جميل

    ردحذف
  23. أزال أحد مشرفي المدونة هذا التعليق.

    ردحذف

إرسال تعليق

أتشرف برأيك

المشاركات الشائعة