الحلم

كتب Mostafa Al Shall



الحلم

كان من دأبى فى الصغر أن أتخيل مراحل التكريم التى سأمر بها إن تفوقت على بقية زملائى
كان ذلك يحدث فى بداية كل عام جديد
وتمضى الأعوام تلو الأعوام
وننجح ونتفوق وننال التكريم فى مراحل التعليم المختلفة
والعجيب أنى لم أتذكر يوم التكريم أبدا هذا الحلم القديم
وندخل الجامعة وتتبدد الأحلام
وبدلا من أن نحلم بما مضى نحلم بالنجاح بالكاد أو حتى العبور من بوابة الرسوب تلك البوابة الموحشة

لا .......لابد أن أعيد صياغة أحلامى بل لا بد أن أتذكرها فى كل وقت وحين ...لا شئ صعب غير الخطوة الأولى...فلنحلم كما يحلو لنا بشرط ان ننفذ ما نحلم أو حتى نصر عليه ونثق فيما نحلم


دعوة


لصياغة الأحلام

مصطفى

16 Comments:

حسن حنفى يقول...

ياااااااااارب يوفقك

وتحقق كل احلامك

بس معاك حق هي الخطوة الاولي

جوجو يقول...

السلام عليكم
ازيك يا مصطفى
عندك حق والله احنا فعلا المفروض نحلم ونعمل المستحيل عشان نحقق حلمنا ونسيب الباقى على ربنا ربنا عمره ما يضيع تعب حد
ربنا يوفقك

maryooom يقول...

بجد ربنا يحقق احلامنا كلنا بس اللي انا لاحظته ان مش انت لوحدك اللي خايف كلنا خايفين من ايه مش عارفه زمان ايام الابتدائي والاعدادي كنا متفوقين ايام الثانوي شدينا حيلنا عشان خاطر ندخل الكليه وفي الكلية بقي الرعب من كل سنه الخوف من الفشل بس برضه احساس مش وحش للدرجه دي انك ممكن تخاف ولما تخاف تعمل مجهود اكتر والمفروض كنت قلت لنفسي الكلام ده
تحياتي

حنين.. يقول...

........ يااااه, كلنا كنا متفوقين فى الاعدادى والابتدائى وفى بدايات الثانوى........ ايام واحلام, المهم اوعى تعيش بدون حلم ولا امل, حتى لو ضاع... احلم تانى, نصحيه من اختك , عيش واحلمممممممممم, عشان تعيش.
فى انتظار المزيد
حنين

maha zein يقول...

لا وليه تحلم انك تعدي بس
ليه متستمرش في النجاح
ليه غيرك يطلع الاول في طب بردو
ليه يعني
اجتهد
وشد حيلك
وانشاء الله تفضل مجتهد
اه قبل النتيجة نعد نقول يا رب ننجح بس
لكن اد ايه لما تطلع النتيجة ونلاقي غيرنا فاقنا فى تقديره بنتمني اننا كنا نفوقه احنا
والحمد الله علي كل شىء
تحياتي يا شاطر
يا دكتور انشاء الله

enjy يقول...

انا معاك على فكرة فى الدعوة دى يااااااااااااااااه دة انا ياما اتنبح صوتى وانا باقول يا جدعااااااااااااااااااان لو بطلنا نحلم نموت........برافو عليك دماغك حلوة جدا ماشاء الله

Dr- Hema يقول...

أحلام...أحلام

من يوم ما دخلنا الجامعة والأحلام تراودنا

بس للأسف النتائج بتأتى عكس الأحلام

وربنا يوفق الجميع

د/هيما

البنت الشقيه يقول...

صدقنى فى بلد ذى مصر الحلم هوا المنفذ الوحييد للعيش




تحياتى
لينا

rovy يقول...

ان شاء الله ربنا يوفقك وتحقق كل احلامك و تكون احلامك كبيره و تستحق ان تحلمها وان تبذل كل ما اتاك الرحمن لتحقيقها ..

وفقك الله واعانك

تحياتى

Hosam Yahia حسام يحى يقول...

ماشاء الله جميييييييييييل

موناليزا يقول...

قبلت دعوتك وسأحاول جاهدة التنفيذ
ربنا يحقق لنا جميعا جميع احلامنا

egyboy يقول...

حسن حنفى

والله ياحسن أنا بحبك فى الله كل بوست كدا أنت أول واحد تنورنى شكرا

جوجو

الله يسلمك ياجوجو يارب يوفقنا ياجوجو ونحقق كل اللى نحلم به

مريوم
ماشى يامريوم واديكى قلتيه لنا كلنا قلت فإلزم بقى وعايزك كمان سنه تقوليلنا حققتى أحلامك ولا لأ

حنين
أنا عايش علشان أحلم وأنفذ أحلامى وأكون إنسان جديد :) فى انتظار متابعاتك

مها زين
انت قلتى اللى أنا كنت عايز اقوله والله يامها زى ما تكونى عارفانى ههههههه
أنا فعلت عايز أطلع من الأوائل حتى

انجى
انتى اللى دماغك أحسن أنا لسه قايل كدا دلوقتى لكن انتى قلتى كدا من زمان
تحياتى

دكتور هيما
ايه يادكتور هيما اليأس اللى أنت عايش فيه ده ولا علشان اتنقلت وخلاص معدناش جيران

البنت الشقيه
أنتى فعلا شقيه حتى فى ردودك

روفى
يارب ياروفى نحقق كل أحلامنا يارب

حسام يحي
ماشاء الله رد أجمل

موناليزا
أخيرا حد عبرنى وقبل الدعوة قبل الرد
شكرا ياموناليزا وربنا يحقق لنا كل ما نتمناه بشرط ألا يتناقض وشرع الله

حسن حنفى يقول...

اعتزلت التدوين

شكرا انكم قبلتوني في عالمكم الفتره

دي

ويشهد الله كم احببتكم فيه

عمرو وجيه يقول...

السلام عليكم


أزيك يا مصطفى ؟


حلو قوى مصطلح ضياغة الأحلام ...


فعلا لازم نعيد ترتيب أفكارنا وأهدافنا وأحلامنا


و نحكم على مدى وصولنا للهدف



شكرا لك على التدوينة الجميلة والبسيطة

حسن حنفى يقول...

ايه يبني اسبوع مش كتبت

يارب تكون بخير

رفقة عمر يقول...

اكيد عندك حق لولا الاحلام ماكانحدث تتطور ولا تقدم فى الدنيا الاحلام ليس لها سقف واعلم انها لابد لها ان تتحقق فى يوم من الايام
ربنا يقدر لك الخير وييسر لك تحقيق احلامك اللهم امين يارب العالمين

إرسال تعليق

أتشرف برأيك