المبادئ

المبادئ
دائما ما تزعجنى هذه الكلمة المبادئ دائما ما تخترق أذنى من الكثيرين عمدا منهم فى مضايقتى بهذه الكلمة ، أنا أحمد عبد الفتاح دعونى أقص عليكم حكايتى مع المبادئ عندما كنت طالب فى كلية الطب كنت دائما ما أهفو إلى الأفضل وجهت نظرى منذ اليوم الأول لى فى هذه الكلية إلى كرسى العميد لطالما حلمت بهذا اليوم ، كنت دائما ما أحاول التقرب للعميد وحتى لو حساب أقرب المقربين منى ،كنت أذن العميد وهيئة التدريبس وأنا مازلت طالبا حاول الجميع على حد قولهم أن يهدينى إلى الطريق الصحيح ولكنى كنت لا أرى إلا طريقا واحدا كنت مجال جدل للكثيرين من زملائى كان الجميع يعرفنى وأنا ما زلت فى عامى الثانى كنت أريد ذلك حققت شهرة واسعة وأنا ما زلت طالبا كان الطريق أمامى مفتوح فى كل ما يتعلق بهيئة التدريس ، أستطيع أن أقول كانت تفتح لى أبواب كانت تغلق فى وجه زملائى ، ما زلت أتذكر أحد زملائى وهو ينعنفنى بقوة على وشايتى للعميد بأحد الكلمات التى قالها فى حقه ، ولكن لى مبدأ لا أرى غيره ، دائما ما يتهمونى باستخدام المعنى الخطأ يزعمون أن ذلك ليس مبدأ فليقولوا ما يقولوا فالألفاظ لا تعنينى فى شئ بقدر ما يعنينى ما أهفو لأصل إليه ، وعندما تم تعيينى معيدا فى الكلية زاد تقاربى بالعميد لدرجة كبيرة ، كنت الحذاء الذى يلبسه العميد فى قدمه كنت أنقل له كل ما يدور فى القسم من حوارات

وكل يوم يزداد إعجاب العميد بى ، وها أنا ذا فى النهاية أجلس مكان العميد ,فتعسا للمغفلين ذووى المبادئ ، ما لى أرى من اتهمنى بضياع مبادئ قديما يتقرب منى الآن ، ما لى أرى من عنفنى قديما يتقرب منى الآن هل هو المنصب أم أنه كان كلاما عن المبادئ وليس اقناعا من الداخل ، ما أوصلنى لهذا المنصب هل هى المبادئ التى انتهجتها أم أنها أهداف وضعتها صوب عينى حتى حققتها ولكن هل خسرت كثيرا هل كما يزعمون خسرت كرامتى؟؟ لا لم أخسر شيئا فقد غدوت الآن العميد كل شئ تم نسيانه كل الناس تحاول أن تتقرب منى تحاول خدمتى قدر المستطيع على الرغم من أنى أصغر عميد تم تعيينه ، ولكن ماذا أقل للزمان الشاهد على مبادئ شريره أوصلتنى إلى ما أريد ولكن جعلت لى صورة فى أزهان الكثير تتوارثها الأجيال جيل بعد جيل ، حققت ما كنت أصبو اليه دائما ،إنه الشهرة ولكن للآسف جعلت من نفسى حكاية مؤلمة ن العلامات البارزة فى كلية الطب .

دعوة

لأن نرى مبادئنا بمرآه الحقيقة ؟ إلى أى مكان ستوصلنا المبادئ ؟ أدعوكم أن تجلسو مع أنفسكم وتحددوا عدة مبادئ ، مثلا لو لدى مبدأ ألا أفعل هذا الشئ إذن فمهما تغييرت الأمور فأنا ثابت على مبدأى الذى لن أغيرة ما دمت واثق من صحته .

أيها الساده فكروا فى مبادئكم بعض الشئ



أتمنى أن أكون وفقت فيما أريد أن أقوله

مصطفى


على هامش البوست


حتى الآن وصلنى تاجان الأول من حسن حنفى مدونة شيفا والذى أسعد دائما بوجوده أول كومنت
والثانى من جوجو مدونة أمى ثم أمى والتى أستمتع بقراءة كتاباتها عن الأم والتى تجعلنى أشعر بالأرتياح كلما قرأت تدويناتها والتى كانت أيضا أول من كتب فى بوكس الشات على هامش المدونة

فشكرا لكم يا أصدقائى وأعتذر عن إجابة التاجات فى هذا الحين
فلكل مقام مقال وشكرا


مصطفى


تعليقات

  1. ممممممم

    بجد بوست متميز

    ربنا يبارك فيك

    اعتذار مقبول

    بس لاني هبعتلك تاج تاني غير ده

    :d

    ردحذف
  2. حسن حنفى


    لا الله يرضى عنك بلاش دلوقتى قول كدا ز الوقتى الفين وتسعة أصل أنا ناوى افتح شركة لراغبى الاجابة على التاجات ابعتلنا التاج واحنا نجاوبلك عليه بسعر رمزى مش حسن

    ردحذف
  3. عادة هؤلاء الأشخاص لا يهتمون بما يسمي تأنيب الضمير الأهم تحقيق المصلحة
    تحياتي لك

    ردحذف
  4. المباديء لا تتغير
    اذا تغيرت فهي لم تكن مبادئ من البداية
    البعض احيانا بيتخذ المباديء حجة وستار يخفي وراءه فشله وخيبته
    واحيانا اخري بتكون مجرد شعارات بيرفعها لشخص لتحسين صورته لكن طالما انه تخلي عنه ولو للحظات فهي لم ليست مباديء
    تحياتي لدعوتك النبيلة

    ردحذف
  5. السلام عليكم

    اهم حاجة طبعا هى المبادىْ وفى ناس قليلة اوى هما اللى بتهمهم وبيستخدموها صح بس الاكتر هما اللى بيستخدموها غلط
    فى سبيل تحقيق اى حاجة رغبات شهرة مال
    هى دى طبيعة الدنيا والناس اللى فيها بس المهم ان احنا مهما حصل منتغيرش ولا نغير مبادئنا لان للاسف فى ناس كتير بتغيرها عشان حجات قليلةاووووى

    معلش اتكلمت كتير بس يعلم ربنا ان الموضوع ده افادنى كتير اوى

    تحياتى ليك

    ردحذف
  6. ممممم
    مش عارفة
    بس يعني الواحد ممكن يكون حاطط لنفسه مبدأ و يكتشف انه كان خطأ هنا ممكن يغيره

    وبعدين ماهو علي رايك مش كل المباديء صح

    هيا الفكرة انهو مبدأ اللي همشي عليه


    دة خلاني افكر ان كلمة مبدأ يعني حاجة هبدأ من عندها دايماً

    بس أنا مش عارفة إيه المباديء إللي انا ملتزمة بيها أصلاً
    عشان اقول الكلمة دية
    " مسألة مبدأ"

    هفكر في المباديء دية إن شاء الله

    يلا سلام عليكم

    ردحذف
  7. السلام عليكم
    هاي اول زيارة ليه

    بوست يجنن ما شاء الله عليك

    ربنا يوفقك

    تحياتي
    اشراقة

    ردحذف
  8. ليك تااااج تاني

    ممكن تيجي تستلمه

    :))

    ردحذف
  9. بص يا معلم كلامك ده
    فكرني بعم جاهين
    وعم الناس كلها لما قال

    ولدي إليك بدل البالون ميت بالــــــون
    انفخ وطرقع فيه علي كل لـــــــــــون
    عساك تشوف بعينك مصير الرجال
    المنفوخين في السترة و البنطلـــــون

    وبس خلاص
    سلام
    وليد

    ردحذف
  10. انا مش هاقول موضوع مميز.....
    مش هاقول دعوة حلوة........
    مش هاقول انك ذكى ........
    مش هاقول ان كلامك صح......
    هاقولك بس جملة واحدة
    (انا فخورة بيك)

    ردحذف
  11. رائع
    فعلا عندك حق ما هى المبادئ
    احنا محتاجين نضارة علشان نشوف عيوبنا
    بوست مميز

    ردحذف
  12. mostafa rayan

    المهم أن تكون وصلت دعوتى من خلال القصة

    ردحذف
  13. سنووايت

    تحياتى لردك الجميل فعلا يجب أن نصيغ تعريفا دقيقا للمبادئ

    ردحذف
  14. جوجو

    ولا كتير ولا حاجة يا جوجو الموضوع يستاهل أكثر من كدا خدى راحتك على الآخر

    ردحذف
  15. نعكشة

    صح يا نعكشة هيا الحياة مجموعة مبادئ احنا اللى بنكونها وبنصنعها وبنمشى عليها مثلا زى استمبات مفيش اى تغيير المفروض نشوف مبادئنا بعين تانية

    ردحذف
  16. ashraketamal

    و يارب متكونش آخر زيارة ليكى يا اشراقة

    ردحذف
  17. حسن حنفى

    برضو اجى متبعتوا انت وخلاص

    ردحذف
  18. عارفة ... مش عارف ليه

    معلم ايه يا اسطى احنا قاعدين فين

    ردحذف
  19. أنا مش هاقول انى سعيد....
    مش هاقول انك رائعة ...
    انا هاقول انى فخور بردك ده

    ردحذف
  20. funckydoctor

    صح يا دكتور للأسف احنا ماشيين ورا مبادئ مش عارفين صحتها من خطأها

    ردحذف
  21. بوست رائع
    تحياتى

    ردحذف
  22. عجبتني اوي كلمة سنووايت

    المباديء لا تتغير
    اذا تغيرت فهي لم تكن مبادئ من البداية

    تحياتي لك و للبوست المتميز

    دمت متألقا

    ردحذف
  23. ماهو ده اللي انا خايف منه
    اني اكتشف فجاه اني المباديء اللي انا متزعمها مالهاش لازمه في حين ان كل الناس بتوصل وانا قاعد مكاني

    الكلام ده حصل اكتر من مره وانا لسه زي مانا

    اعمل ايه بس

    اقولك حاجه

    انا بدات مؤخرا اتخلي عن جزء من مبادئي للاسف انا فوجئت اني اتخلليت عنه ماكنتش واخد بالبي لكن لقيت ان له نتيجه فعلا وانه رفعني خطوه علي السلم لادام لكن من جوايا انا مش مستريح

    ورجعت تاني محلك سر

    مش عارف هل المباديء هي شيء وهمي اخترعه عقلنا الباطن ام انها فعلا لها وجودج قوي في حياتنا

    ردحذف
  24. كلام على بلاطة شكرا على مرورك

    ردحذف
  25. Esraa Hamed


    كلامك سنووايت دائما ما يكون جميل

    شكرا على المرور

    ردحذف
  26. dr.lecter

    والله هو دا عين الصواب يا دكتور اللى خلانى أكتب البوست ده أننى خلاص مش عارف ماهية المبادئ وكما كررت من قبل نريد تعريف دقيق للمبادئ ما هى المبادئ؟ وهل التخلى عن المبادئ جريمة وهل يجب أن ندافع عنها أم لا فالمبادىء كالخيط الذى يتجاذب أطرافه مجتمع من البشر كل حسب ما بيده من الخيط كان الله فى عون ذووى المبادئ

    ردحذف
  27. درش حبيبي
    موضوعك جميل جدا
    تحياتي

    وكل سنة وانت طيب
    رمضان كريم

    ردحذف
  28. مرور للتهنئة بقدوم شهر رمضان وتمنياتى بان ننال منه الكثير ...لا تدع الفرصة تفوتك باغتنام هذا الشهر الذى فضله الله على باقى الشهور
    ودعواتى لكم جميعا بقبول اعمالكم وعباداتكم وان نكون مع الرسول ان شاء الله ..سعيد بزيارتى ومرورى والى لقاء قريب لك كل التحية والتقدير

    ردحذف
  29. بصراحة موضوع رااااائع جدا

    وعجبنى بشكل كبير


    واتمنى رؤية ده
    http://advsarab.blogspot.com/2010/01/blog-post_23.html



    وتحياتى لك
    ويارب دايما متألق

    ردحذف
  30. غير معرف10:59 م

    متميزة :)

    ردحذف
  31. أزال أحد مشرفي المدونة هذا التعليق.

    ردحذف
  32. أزال أحد مشرفي المدونة هذا التعليق.

    ردحذف
  33. غير معرف7:59 ص

    مشكور على الموضوع الرائع

    ردحذف

إرسال تعليق

أتشرف برأيك

المشاركات الشائعة