لست حر ما لم تضر غيرك

======
تحديث هام
=====
وصلتنى عده تعليقات تستفسر عن مضمون العنوان وأقترح الأغلبية أن العنوان المناسب
" أنت حر ما لم تضر"
وللأمانة فإنى أرى أن كلا الموضوعين صحيح وعندما كتبت هذا المقال:
1. كنت أقصد عبارة "حريتك تنتهى عندما تبدأ حرية الآخرين"
أبرع مثل ضربه الأستاذ خليل الحداد-كاتب إماراتى- هب
أنك فى صحراء موحشة فارغة من البشر فهل أنت حر ما دمت وحدك ليست حولك أحد من البشر.
2.عباره أنا حر فى الغالب توجه من شخص لشخص آخر قلما يوجهها الإنسان لنفسه التى بين جنبيه.
3.العنوان خاضع لأسلوب استدراج نوعية معينه من البشر التى ارتبطت كلمة الحرية فى أفواههم .
وعلى ما سبق ذكره سأغير اسم الموضوع للآتى
"لست حر ما لم تضر غيرك"
وأتبعه بعبارة
"أنت حر ما لم تضر"
فى بداية الموضوع
والسلام عليكم ورحمة الله وبركاته
مصطفى
3/7/2008
أنت حر ما لم تضر
لست حر ما لم تضر غيرك


نعم ......لم تخطئ فى العنوان.....فأنت لست حر ما لم تضر....أعرف ما يدور فى ذهنك الآن؟؟

لست كما تظن يا أخى ؟؟


تعال معى منذ البداية .....ما رأيك لو استبدلنا هذه العباره التى أصبحنا نسمعها فى كل موقف ......كل من هب ودب يبرر بالحريه

فلنقل " أنت حر ما لم تصطدم بشرع الله "


ما رأيك أليست أفضل من سابقتها ؟


أنت حر كل الحرية فيما تفعل فيما أحله الله ......أما أن تفعل ما يضر صحتك بدعوى الحرية

أو يضر فكرك بدعوى الحريه........تجادل فيما يضر ولا ينفع بدعوى الحرية


يسرنى بأن أخبرك بأنك لست حر فى ذلك وأود أن أذكرك بقول الله تعالى "إنا لله وإنا إليه راجعون"


لن أفسر لك الآيه بل سأطلب منك أن تقرأها مرة أخرى "إنا لله وإنا إليه راجعون"

نفسك ليست ملكك حتى تضرها

وأخيرا أذكرك مره أخرى بأن نفسك ليست ملكك فلا تفعل ما يضرها وففكر ألف مره فبل أن تقدم على عمل شئ



دعوه


لأن نصبح مسلمين أوقوياءفى كل شئ ...محافظين على سلامة أرواحنا........مالكين زمام

أمورنا.


N.B

كلمة كدا خارج الموضوع


البوست دا واللى جاى بعده هيكون عباره عن كلمه صغيره استخدمنا فيها الفكر شويه وتُزيل بعباره دعوه فأهلا بالدعوات


مصطفى

تعليقات

  1. معلش مفهمتش برضو العنوان

    لست حر ( انت مش حر ) ما لم تضر ( لو مضرتش)

    مش المفروض علي فكرك إن الواحد مش من حقوا يضر نفسه
    تبقي
    -انت حر ما لم تضر-

    المهم

    اتفق معك في رأيك
    بس مش عارفة ماهو الضرر في كل حاجة
    في الاكل
    و في المعيشة
    و في كل المواضع
    هنتضر هنتضر
    فاحنا مش احرار
    بس اعتقد انه بيسعي انه يزود المواضييع دية زي المدمنين و اللي بيشربوا سجاير دول بيبوظوا نفسهم بطريقة اسرع

    عامتاً
    اهو الواحد بيحاول انه ميضرش نفسه ولا الاخرين

    دمت سالم

    سلامون عليك
    -

    ردحذف
  2. أخى دكتور مصطفى

    بارك الله فيك

    فالصحة تاج على رؤووس الأصحاء

    لا يعرفه إلا المرضى

    ولكن سوء التعامل مع صحة الأنسان

    لا يؤدى إلى مرض الشخص

    ولكن يكون كالقنبلة االموقوتة

    التى تهدد باقى العالم

    كالمدخنين

    ومرضى السل

    والأيدز وغيرها

    فنفسنا ملك لله تعالى وهى أمانة

    يجب المحافظة عليها

    د/هيما

    ردحذف
  3. السلام عليكم ورحمة الله وبركاته


    كلمات جميلة وفكر جيد
    وعن نفسي مؤمنة جدًا
    أن قمة الحرية في إخلاص العبودية لله وحده لا شريك له

    بارك الله فيك


    دمت في رعاية الله

    ردحذف
  4. فعلا فهمنا للحريه من الاشياء الضروريه فالحريه يجب ان تكون فى حدود الاداب العامه ولا نضر بحريتنا حريه الاخرين او تصطدم مع الاديان
    جزاك الله خيرا على كلامك الجميل
    تحياتى

    ردحذف
  5. السلام عليكم
    ربنا يبارك لك يارب
    كلام صحيح مية المية في رايي
    متابعة لقذائف الحق
    والفكر المستنير بشغف
    تحياتي وتقديري

    ردحذف
  6. انت حر مالم تضر
    ما لم تضر نفسك
    ما لم تضر غيرك
    ما لم تضر الكون
    ما لم تضر اي كائن او اي شيء خلقه الله علي الارض

    اذن انت حر مالم تضر

    ردحذف


  7. اولا بحييك علي اختيار الموضوع واحييك علي السهوله في توصيل ماتريد بعبارات بسيطه واضحه..

    فاهم قصدك طبعا في كل كلامك بس العنوان مش مفهوم شويه..
    حاسس انه كان يبقي مفهوم لو كان:انت حر مالم تضر..

    خالص تحياتي

    قبطان

    ردحذف
  8. تحياتي للموضوع الجامد والفكرة الحلوة
    بس للاسف الحرية لفظ يتلاعب به علي الوتيرتين
    انت حر اذا ما حاولت تدمر نفسك
    وانت لست حر اذا ما حاولت تصلح ما حولك
    :)

    دمت بخير

    ردحذف
  9. نعكشة

    العنوان وضحته بالتحديث فى العنوان

    علشان التوضيح أنا بقول مثلا السهر يمكن يضر بالصحة يبقى مش أحرار فى السهر
    دى مثال

    وفى النهاية نورتى المدونة

    ردحذف
  10. dr-hema

    أحلى صديق
    كل واحد بيتكلم على الحاجه بتاعته

    منور يا دكتور

    ردحذف
  11. الجده فصيحه

    فعلا قمة الحرية هى إخلاص العبودية لله سبحانه وتعالى

    شكر لك على الكلمات الجميله

    ردحذف
  12. رئيسة حزب الأحلام

    كلامك جميل نورتى
    طبعا مفروض نفكر الكلام اللى بنقوله هيتعارض مع الأديان ولا لأ

    ردحذف
  13. نونو

    كلامك رائع ومشجع بارك الله فيكى

    ردحذف
  14. سفينه

    صديقى القبطان دكتور محمد أنا سعيد بردك جدا وأنا وضحت فى التحديث بعض الأشيلء التى تم لفت انتباهى اليها

    هكذا هو الموضوع لن يكون جيدا بدونكم

    شكرا

    ردحذف
  15. سنووايت

    كلامك على راسنا وجميل اقرأى بقى التحديث


    ونورتى المدونة ومتحرمناش من طلتك

    ردحذف
  16. alexandrany
    صح فيه تلاعب فى الألفاظ واضح للعيان من الناس

    وفيه ألفاظ كتيره ليها معانى كتيره خبيثه فى معناها وأهمها ألفاظ الحرية

    ردحذف
  17. سؤال جديد على مدونة برنماجنا الاذاعى
    انت تسال والكمبيوتر يجيب
    http://netradio.blogspot.com
    والذى يذاع يوميا الساعه 9.10 صباحا ما عدا يوم الجمعة
    السؤال هو

    الأشاره حمراء
    الأشاره خضراء صفراء لافرق فانت متاخر متاخر عن موعدك ....ايه كل العربيات دى؟المرور متوقف لا يتحرك وبعدين لو اقدر اطير!؟؟؟ وتفكر وتسرح ....ما هو السكه واقفه....تفتكر حيخترعوا سيارات تطير؟؟؟؟ ونحب نعرف منك بماذا اجبت .
    تمنياتنا بدوام التواصل

    ردحذف
  18. غير معرف5:25 م

    السلام عليكم
    اتفق معك قبل التحديث
    فلسنا احرار
    ولو احرار ..احرار بانفسنا عند النفع او الضرر ...ومقيدون ايضا بانفسنا عند النفع او الضرر
    فما كتبتة انا من وجهة نظرى يعنى "لست حر مالم تضر غيرك"
    ولا ننسى ابدا اننا احرار بقيد من الخالق سبحانة وتعالى
    كل التحية والتقدير...
    عــفراء

    ردحذف
  19. كلامك صح يا عم الدوك
    انا كده فهمتك

    وإستنى موضوعى لقدم صناعة الحرية

    تحياتى

    د/هيما

    ردحذف
  20. أزال المؤلف هذا التعليق.

    ردحذف
  21. أنت حر ما لم تصطدم بشرع الله

    انا دخل دماغى اوى التعبير دا

    مش مهم بقى افهم العنوان :D

    اجمل شئ ان الانسان قبل ما يفكر يعمل اى حاجه يشوف موقعها ايه من شرع ربنا

    حلال او حرام

    لو حلال يبقى له مساحة الحريه فى التصرف

    انما تخطى حدود الله ليست لها علاقه بالحريه وانما هى انحلال

    ردحذف
  22. السلام عليكم
    أنت حر ما لم تضر .. جمله نتمنى أن يفهمها الكثيرون هذه الأيام..

    لست حر ما لم تضر ..تركيب الجمله له معنى واحد أن الحريه تقتضي الضرر..
    وهذا ليس صحيحا ..

    وأرجو أن تكون تقصد بها التفسير الخاطئ لمعنى الحريه..

    تحياتي
    سلام

    ردحذف
  23. دماغ عالية
    مستنى الباقى

    ردحذف
  24. اصدقائى الأعزاء المدونين والمدونات
    غدا الأحد 6/7 يتم اذاعه الحلقة الثانية الخاصة بشحن بطارية المحمول
    فى برنامجنا الإذاعى
    أنت تسأل والكمبيوتر يجيب
    والذى يذاع يومياً الساعه 9.10 صباحا على إذاعة البرنامج العام ما عدا يوم الجمعة
    وسيتم اذاعه اجابات كل من
    سومه
    نورا
    استراليا
    اجى بوى
    ميس سوسه

    يمكنكم سماع الحلقة مباشرة فى نفس موعد إذاعتها الساعه 9.10 صباحا من خلال موقع البرنامج
    http://dear.to/cairo

    تمنياتنا بدوام التواصل

    ردحذف
  25. العزيز مصطفى

    ليه بس الخبطة دى ..هى ناقصه خليها

    دوغرى

    انت حر ما لم تضر

    وعلى العموم

    ********دعوة *********
    للمشاركة فى حملة الايجابية والاصلاح

    من اجل فلسطين

    ومن اجل اسرى المسلمين فى سجون

    الصهاينة وجوانتاناموا

    فى انتظار تواصلك معنا ولك كل التحية

    ردحذف
  26. amal

    كلامك صح المهم يدخل فى دماغك المعنى تحياتى

    ردحذف
  27. Dr.m

    ماشى يا دكتور كلامك على راسى
    المهم تكون فهمت المضمون
    العنوان عليه اعتراض كبير

    ردحذف
  28. funckydoctor

    ماشى يا كبير
    خليك معانا كدا على طول

    ردحذف
  29. حسن محمد توفيق

    أستاذنا ما احنا ماشيين دوغرى

    وهنشترك إن شاء الله

    ردحذف
  30. Desert cat

    أنا مستغرب انتى بتقرأى ولا بتدخلى بنسخى الكلام وخلاص

    حاجه غريبه

    على العموم أنا متابعكم كل يوم

    استمروا

    ردحذف
  31. طبعا اتفق مع كلامك جدا الحريه لها حدود وحدودها الا ااؤذى غيرى حتى ولو بالرؤيه لان هناك مناظر تؤذى الاخرين

    مع تحياتى

    ردحذف
  32. المستنصر بالله

    مش فاهم حضرتك تقصد ايه

    تحياتى لسيادتك

    ردحذف
  33. الموضوع مهم
    وتقدر تقول عليه موضوع العصر
    لان الكل بيستخدم مفهوم الحريه بطريقته واحيانا بيبرر لنفسه اخطاء وجايز ذنوب بدعوى الحريه خد بالك ان حتى الشرع نفسه فيه اللى مش بيهتموا بتطبيقه واكتر من كده كمان كده مستنيه كلام اكتر فى الموضوع ده
    تحياتى

    ردحذف
  34. توضيخ هايل لمعنى الموضوع , وانا معاك جدا فى معنى الحرية , وان جسدى ونفسى ليست ملكى كى اضرها , فوظيفتى المحافظة عليها , بحييك على اختيار الموضوع

    ردحذف
  35. منى

    إن شاء الله نتكلم فى الموضوع أكثر عمقا

    نورتى المدونة

    ردحذف
  36. زى الهوا

    كلامك مضبوط

    متحرمناش من طلتك الدائمة على المدونة

    ردحذف
  37. أزال أحد مشرفي المدونة هذا التعليق.

    ردحذف

إرسال تعليق

أتشرف برأيك

المشاركات الشائعة