حرقها وغنى كما تمنى

كتب Mostafa Al Shall




لا يولد الأنسان شريرا فهناك عوامل كثيرة تغير الإنسان وتنحرف به إلى سلوك جنونى نتيجة ضغوط شديدة لا تتحملها النفس فتضيق زرعا فتعجز عن التفكير وتصاب بالجنون...وأعتقد أننا نمر بذلك جميعا بصورة مصغرة تختلف من شخص لآخر عن الغضب.
نيرون أغلب الناس لا يعرف عنه إلا أنه كان مجنونا وقام بإحراق روما ووقف يغنى ،ولكن نيرون لم يكن كذلك فى بداية حياته..كان طالبا مجتهدا،تعلم اليونانية والأدب والفلسفة ، تتلمذ على يد الفيلسوف سنيكا الذى زرع فيه حب التواضع ودماثة الخلق والصبر ،كان يكتب بعض الشعر كما كان يخطب فى مجلس الشيوخ .
كان لأمه دورا كبيرا فى حياته إذ أوصلته للحكم بعد وفاة والده وهو فى السابعة عشر من العمر،ضمن له القائد العسكرى (بوروس) تأييد الجيش الرومانى .
ازدهرت الحياه ازدهارا بالغا فى بداية عهده خمس سنوات كان لا يعارض فيها مجلس الشيوخ...خمس سنوات ألغى فيها الضرائب عن المواطنين .
كان يعتمد اعتمادا كبيرا على أمه وفجأه أصيب نيرون بالجنون وضاق زرعابتدخل أمه (أجربينا فى كل كل شئون الامبراطورية الواسعه وهى التى يقال عنها أنها دست السم لوالده حتى يصبح ولدها نيرون امبراطورا فأوعز لجنوده بقتلها ثم تخلص من زوجته أوكتافيا ثم زوجته الثانية بوبيا ثم اتجه لكبار الارستقراطيين وأغنياء روما فقتلهم ولم يكفه ذلك فقتل كل استاذته حتى أصبح ديكتاتورا لا ينازعه أحد ...نعم أصبح ديكتاتورا حقيقيا .
وفى عام 64 أحرق روما وظلت مشتعله تسعة أيام قيل أنه كان يقف فى شرفة منزله يغنى سعيدا بما فعل حتى يبنى روما من جديد كما تصورها فى أحلامه النابه
ولكن كان القدر له بالمرصاد فبعد ذلك بأربع سنين اعتبره مجلس الشيوخ خائنا وصدر الحكم عليه بالإعدام، فهرب من روما وانهى حياته بسيف صغير وهكذا أسدل الستار على حياه هذا الديكتاتور المجنون
مصطفى
واجباتك تجاه الحريق
ببساطه شديده نوضح بعض الأفعال التى قد تغفل عنا فى حالات الحريق :
أولا حاول أن تزحف عند خروجك من المبنى المشتعل لأن الدخان يكون كثيف وشديد كلما ارتفع فحاول أن تزحف
ثانيا لا تفتح أى باب قبل أن تتحسسه بيدك فإذا كان ساخنا فلا تفتحه لأن لفحه الحرارة من الحجرة المشتعله كافيه وحدها بإحراقك وموتك
ثالثا لا تعد إلى المبنى أبدا إن كنت نسيت شخصا أو شيئا بالداخل لأن تعرض حياتك وحياه من تحاول انقاذه للخطر فقط استدع أفراد الأمن
رابعا لا تجرى لأن الجرى كما قلنا المرة السابقة يساعد على تهوية النار لا اطفائها فقد تدحرج على الأرض
مصطفى
كدت أنسى سؤال هذا البوست لو أتيحت لك الفرصة أن تنصح مريض السكر نصيحه -لا علاقة لها بالطب- يحافظ بها على حياته فما أنسب نصيحة من وجهة نظرك
أنتظر إجاباتكم
مصطفى

27 Comments:

حسن حنفي يقول...

اول تعليق

حسن حنفى يقول...

بسم الله ماشاء الله

بوست مميز ربنا يبارك فيك

ياااااااااااااااارب

enjy يقول...

ربنا يعزك يا ابنى والله كلامك كله مفيد جدا انا شخصيا استفدت جدا بس عايزة اقولك ان نيرون ماكانش اى دكتاتور دة كان مصاب بالبارانويا وعشان كدة كانت دى افعاله عموما شكرا على المعلومات وكمان معلومات الحريق ربنا يعفينا ويعفيك..............
نصيحتى انا شخصيا لمريض سكر زى نصيحتى لاى بنى ادم بلاش ياخد الحياة على اعصابه والنصيحة دى تنفع قوى لمرضى السكر بالذات

kochia يقول...

بتعجبني اوي في حكاية التراجم دي
حلوة ومفيدة جدا
ومختصرة

وعن سؤالك بقي انصح مريض السكر بايه ؟؟
هقوله صاحب السكر وحبه كانه طفل له طلبات معينة
عشان تقدر تعيش معاه بسعادة
بس

هو المفروض انصحه بايه تاني ؟؟

تحياتي

amal يقول...

بس على فكره
فى ناس عندها استعداد للاذيه
وبتستمتع جدا باذية الناس
واحيانا كتير بلا مبرر

الحمد لله على نعمة العقل

ربنا يعافينا

بالنسبه للسؤال

انصح مريض السكر واى انسان
انه ينظم غذاؤه

اصلنا شعب يحب اللخبطه موت

ونبطل عصبيه ونرفزه وزعيق ع الفاضى والمليان
الانفعال لا بيحل ولا يربط

طبعا مش مطلوب مننا نعيش فى برود تام
بس على اد ما نقدر نمسك نفسنا شويه

egyboy يقول...

حسن حنفى

شكلك كدا مستعجل بارك الله فيك ياسيدى

egyboy يقول...

enjy
شكرا على كلامك الى زى السكر وعلى الإضافة الجميلة يادكتورة انجى

egyboy يقول...

kochia

الحمد لله أننا بنعجبك ياكوشيا وشكرا على نصيحة السكر نصيحة مفيدة والله

egyboy يقول...

amal

فعلا الحمد لله على نعمة العقل الى ربنا وهبها لنا الحمد والشكر لله وربنا يشفى الجميع

dr.lecter يقول...

بص زي مانت قلت الناس بتنولد جواها بذور البذور دي ياما تبقي بذور خبيثه او طيبه

البذور دي بتخليها خامده ونايمه وممكن ماتصحاش خالص

نيجي بقي لللي بيسقي الزرع ويهيج البذور ياما بيسقيقها بنيه انها تصحي وتنمو وتخرج اللي جواها ياما بيسقيها وخلاص مالوش دعوه

لو البذور دي حد لمسها واثارها هتبقي النتيجه زي مانت قلت وزي مالتاريخ قال

نصيحتي لمريض السكر بما ان والدتي واحده ومنهم طنش اي حاجه اهتم بنفسك وبس وتولع الدنيا ولا تزعل نفسك وحافظ علي سنانك كويس كمان

blue-wave يقول...

والله انا نفسى فى واحد من دا يولع فى البلد دى خلينا نخلص:))
وبالنسبه لمريض السكر
فأهم نصيحه
انه يشرب ميه كتير
المياة عموما بتقلل الميتابوليزم( التمثيل الغذائى) للدهون وبالتالى تقلل من تحولها الى سكريات وبالتالى ايضا تقلل من نسبة السكر فى الدم
تحياتى

rovy يقول...

بوست مميز و معلومات مفيده ..
جزاك الله خيرا ..

بالنسبه لسؤالك فمعلوماتى المتواضعه ان مريض السكر اهم حاجه له انه ينظم غذاؤه و ان يحاول ان لا يحرق دمه و لو ان ده صعب شويه اليومين دول ..
عفانا الرحمن جميعا و شفى مرضانا .. امين ..

دمت بخير فى حفظ الله
تحياتى

egyboy يقول...

dr.lecter
صح كلامك والتاريخ لا يكذب
دمت مبدعا بآرائك الجميلة

egyboy يقول...

blue-wave

ما احنا هنولع معاها يادكتور ولا ايه

egyboy يقول...

rovy
شكرا ياروفى على الرد الجميل ومعلوماتك المتواضعة جميلة برضو

ألف شكر

نعكشة يقول...

ممممممممممممممم

سبحان مغير الاحوال
بس سؤل

هوه بس اللي دفعة للجنون
ان امه بتدخل في الحكم
اكيد فيه حاجة اوحش من كدة بكتيييير

وبعدين ممكن نفسة سولتله ان دة افضل
بدليل انه كان عايز يبني روما جديدة

المهم

بالنسبة للحريق

ضافة خدتها من قسم الفورنسك
1- افتح الشباك او اكسره
فيه فريق بيقول افتحة و ريق بيقول اكسرة
المهم يعني

ولو لاقيت حد واقع علي الارض وانت صاحي
حاول تجرجره معاك لأقرب حتة مفيهاش دخان

يا ريت تحط نمرة المطافي عشان انا معرفهاش

و يا ريت قسم السموم كمان تحط نمرتها

.......

بالنسبة لمريض السكر

ظبط اكلك
اعمل تمرينات رياضية

ابعد عن التدخين

سلام عليكم

نعكشة يقول...

اة صحيح كمان المعلومة دية من سنة تالتة


الزعل بيعلي السكر

فحاول تبقي سيريلاكس

احمد بدراالدين يقول...

قد اكتب عن توصيف معين لمرض نفسى معين اصيب به هذا الرجل

لكن من وجهه نظرى الامر لا يتعدى فقدان للجانب الروحانى فى حياته

فطغيان الجانب المادى تكون عواقبه اشد فظاعه من ذلك

موضوع مميز

تحياتى

محمود بركات يقول...

التاريخ نحن فعلا لا نقرأه فنحن نعتمد على التلخيص والتلقين حتى لا نفهمه ونستفيد منه وهكذا كانت الاستفادة من البوست بتاعك : علينا بقراءة التاريخ جيدا وبصورة نقدية فمن لا يفهم ماضيه ليس له مستقبل

egyboy يقول...

نعكشة

والله يا نعكشة الشخص ده تركيبة عقلة معقدة جدا ويسهل فهم دوافعة ومحتاج تحيليلات عقلية صارمة لمعرفة كيف كان يفكر من الممكن أن يكون مصاب بداء العظمة أو غير ذلك من الأمراض النفسية

وبالنسبة للحريق فنصايحك جميلة أوى أوى
وربنا يسهل ومنوضعش فى الموضع ده

egyboy يقول...

احمد بدراالدين

أعتقد ياأحمد الموضوع أكبر من فقدان الجانب الماضى كيف يقتل كل هؤلاء بدافع الجانب الماضى عن الجانب الطغيانى إنها الدكتاتورية ياعزيزى تفعل بصاحبها أكثر من ذلك

egyboy يقول...

محمود بركات

فعلا محمود أخرجت المضمون بعبقرية أشكرك عليها

موناليزا يقول...

دايما مواضيعك هادفة احييك عليها جدا
اما عن اجابة سؤالك فانصحه باتباع نصائح طبيبه الخاص

funckydoctor يقول...

معوماتك دايما قيمة
أما مريض السكر فيظبط أكله

egyboy يقول...

موناليزا

شكرا موناليزا على الرد الجميل وعلى تشريفك المدونة وننتظر متابعتك للموضوعات

egyboy يقول...

funckydoctor
شكرا يادكتور على المرور وخير الكلام ما قل ودل

Möbel Umzug Wien يقول...
أزال أحد مشرفي المدونة هذا التعليق.

إرسال تعليق

أتشرف برأيك