أيها الساده اخلعوا النظارات

أيها الساده اخلعوا النظارات


تخليت هذه المرة عن الفصحى رغبه منى فى توضيح الفكرة
سألته أنت شايف حاجه

قال لى إزاى؟

قلت له مش عارف ؟

اضايق.....مشى وسابنى......كنت فاكر أن هوا جمبى......يظهر أنى ماشى لوحدى.....آي

وقعت على الأرض....عرفت الحقيقة كنت لابس نظارة سوداء ومش حاسس بيها

كانت حاجبه عن الرؤية ....كنت شايف الدنيا سوده.....النظارة انكسرت وشفت خلاص!!

بس ! رجلى كمان انكسرت !!!

بس شفت الدنيا بشكل أحسن


دعوة
لأن نخلع النظارات السوداء التى تحجب عنا الرؤية لكى نرى الحياة بشكل أفضل وبتفاعل أكبر ونبتعد عن النظرة التشاؤمية وننجح فى الحياة
مصطفى
=======
تحديث
======
كتبت سنووايت موضوعا مشابه لفكرة موضوعى هذا ويبرز فكرته أكثر
أرجو من الجميع مطالعته فلقد أفادنى
==============
يوجد استبيان على الهامش أرجو من الجميع الإجابه عليه

تعليقات

  1. طيب احنا نخلع النظارات طيب الناس الي لابسة عدسات لاصقة مستديمة
    طب الناس الي بيصنعوا النظارات دي
    هي الدنيا بايظة بايظة ربنا يقدرنا ونعرفنعمل حاجة حتى بس لو نعدل نفسنا كفاية قوي
    كل الود وشكرا ع الزيارة

    ردحذف
  2. ماهى المشكلة إننا خايفين نخلعها , جايز كدة مستنين لما تتكسر

    ردحذف
  3. بجد صوره معبره

    ماشاء الله مدونتك دى بجد بجد عبقريه

    ردحذف
  4. المشكلة ساعات اننا بنكون عارفين اننا لابسين النظارة دي
    وخايفين نفلعها
    مش عارفة ليه
    متمسكين بها اعتقادا انها يمكن تحمينا من شئ ما

    لكن للاسف هي بلد ما تحمينا بتخلينا نعمل كل حاجة غلط واحنا مش شايفين

    تحياتي علي الموضوع الجميل ده

    ردحذف
  5. هههههههههههههههههههههههههههههه

    أنا قولت نخلع النظارات كدة مش هشوف حاجة بجد
    يعني هيعمل لنا عملية ليزك طيب
    هههههههههههه

    ندخل في الموضوع

    أنا حاسة غن النظارة السودا مش النظر اللي علي عيني ملزوقة فيها بغرا

    مش عارفة اتخلص منها
    بس ساعات بحس اني غيرتها بواحدة شفافة ساعات و ساعات وردي

    بس دة لا إرادياً

    متعرفش لو عايزة ارادياً نعمل اية؟؟؟

    صحيح بالنسبة للأستبيان
    فدة بمزاج سيادتك

    اللي تحبة انت

    دية مدوننة حضرتك

    دمت سالم

    سلامٌ عليك

    ردحذف
  6. حاااااضر
    فاكرك هتجيب نتيجة؟؟؟؟
    يااااارب
    تحياتي

    ردحذف
  7. والله موضوع جمييييييييييل ومدونه اجمل انا حطيتها في المفضله
    تقبل مروري

    ردحذف
  8. أنا معنديش نضارة أصلا :P
    بس فعلا لازم شيل الغشاوة من عينينا
    سلاموز

    ردحذف
  9. دعوة جميلة
    كتير بنضع امام اعيننا حواجز تحجب عنا رؤية ما حولنا
    ولما بنكتشفها بيكون فات الاوان

    ان كنت بالفعلا كتبت عن نفس الفكرة من فترة
    باحييك عليها
    ودا لينك الموضوع لو تحب تقرؤه
    http://snowwhite2000.blogspot.com/2008/03/blog-post.html

    ردحذف
  10. كاتب مصرى

    انت تبع اللى بيصنعو النضارات ولا ايه

    الدنيا خربانه واللى خاربها النظارات السوده مش الطبية

    ردحذف
  11. زى الهوا

    وخايفيين من ايه ياترى ؟؟؟

    ردحذف
  12. حسام يحى

    شكرا على المرور والكلمات الرقيقه

    ردحذف
  13. kochia

    والله انا مبسوط بردك ده

    كلامك صح

    ردحذف
  14. نعكشة

    نكعبل فى طوبه كبيره جايز ايدينا أو رجلينا تنكر وينكسر معاها النظاره للأبد

    أو بدل ما نبص على رجلينا نبص لفوق ما هو مادام مش شايفيين حاجه نعمل نفسنا شايفيين وخلاص

    ردحذف
  15. نونو

    اكيد هجيب نتيجه

    وايه يمنع انى مجبش

    ردحذف
  16. حسن حنفى

    ماشى يا عم حسن
    ولو أنى حاطك الأول

    نورت يا غالى

    ردحذف
  17. funckydoctor

    هوا دا الرد اللى أنا مستنيه من زمان ياعالم

    خلاص لقيت حد معندوش نظاره

    سلاموز يادكتور

    ردحذف
  18. سنووايت

    موضوعك جميل اوى يا سنووايت واسمحى لى أضع له رابط فى الموضوع

    ردحذف
  19. بالنسبة للبوست
    عجبنى جدا اسلوبك فى طرح الموضوع وهاروح اشوف الموضوع بتاع سنووايت
    وبالنسبة للإستبيان اللى على جنب
    اكتب موضوع جديد كل ما تحس ان فيه حاجة عايز تكتبها
    يعنى لما الوحى ينزل عليك
    انشالله تكتب لك تلات اربع مواضيع فى اليوم
    ولو حلوين هتلاقى الناس من حلاوتهم بتقرا واحد ورا واحد من غير زهق

    على فكرة انا عندى مدونة بحب اقراها جدا لو قعدت يومين ما ادخلها اول ما دخل اقرا طل اللى هى كاتبها حتى لو مش هاعلق بس كلامها بيعجبنى جدا
    مدونة جبهة التهييس الشعبية
    لصاحبتها نوارة نجم
    تحياتى لك وبالتوفيق ان شاءالله

    ردحذف
  20. السلام عليكم ورحمة الله وبركاته

    نعم
    هي دعوة رائعة
    لكي نترك عنا نظاراتنا السوداء
    ونرى الحياة بنظرة مشرقة جيدة


    بارك الله فيك

    دمتم في رعاية الله

    ردحذف
  21. سبهللة

    والله أنا سعيد جدا بتعليقك الشامل الكامل ده يا سبهلله

    وكلامك كله جميل ومضبوط على البوست ده

    ودمتى بخير

    مصطفى

    ردحذف
  22. أحيــك على الدعوه الجميله دي
    بجد احنا اليبنصنع حياتنا بايدنا و برؤيتنا ليها
    دعوه رائعه
    تحياتي

    ردحذف
  23. الـجـدة فـصـيـحـة

    شكرا جدتى الغالية

    ولا تحرمينا من زياراتك وتعليقاتك الجميلة

    ردحذف
  24. Rosa

    شكرا روزا على الكلام الجميل

    فينك من زمان

    ردحذف
  25. نظرية برضو :D
    سلامٌ عليك

    ردحذف
  26. دعوة لأن نرى أنفسنا على حقيقتها

    وأن نرى الحياة بوجهها الحقيقى

    وجه العمل والعبادة والكفاح الإجتهاد

    لا أن نعيش وراء السواد ونؤتمر بما نسمع دون أن نرى

    د/هيما

    ردحذف
  27. نعكشة
    نظرية وقانون

    فيزياء هيا

    سلااااام

    ردحذف
  28. Dr- Hema

    فينك من بدرى .....يادكتور هيما
    مستنى ردودك
    وانسى ياغالى

    ردحذف
  29. مش فاكرة دي اول مرة ازور مدونتك و لا جيت قبل كده
    بس البوست ده بجد هيخليني هنا علطول
    بجد البوست اكتر من راااااائع

    جميل اويييي لما نقع نشوف الناحية الايجابية مش بس نركز علي رجلنا اللي اتكسرت لا اكيد معاها في حاجة تانية جميلة حصلت

    ان مع العسر يسرااا

    بجد بحييك جدااااااا علي البوست ده

    ردحذف
  30. esraa hamdi

    إن مع العسر يسر إسراء منتظر متابعاتك

    ردحذف
  31. تحياتى لكم .. فين الموضوعات الجديدة

    ردحذف

إرسال تعليق

أتشرف برأيك

المشاركات الشائعة