أبو نواس وكلام الناس



أعود للكتابة عن التراجم وسأتحدث هذه المرة عن أبو نواس . يعده النقاد ممثل المدرسة الحديثة على اعتبار أنه أحل محل امرؤ القيس فى المدرسة القديمة.


ولد بمدينة الأهواز بفارس ونشأ فى البصرة وخالط بدو العرب ففصح لسانه حتى قال عنه الجاحظ:"ما رأيت أحد كان أعلم بالغة العربية من أبى نواس ،ولا أفصح لهجة "


أهمل القوالب القديمة للقصيده فلم يعد يبكى على الأطلال ولا يصف الناقة والصحراء كما كان يفعل كبار القدامى بل جعل شعره مرآه نفسه معصدق التعبير عن عواطفه .


غير أنى أقول للأمانة أن أفضل شعره هو التغنى بالخمر وحبه للمتع الحسية التى رأى أن تعاليم تحول بينه وبينها ،وكان يعقد الأمل على مغفرة الله مادام لا يشرك به ، ويعد نفسه أهون شأنا من يؤاخده الله بأعماله .


قال أبو نواس:



يا رب إن عظمـت ذنوبي كـثرةً فلقـد علمتُ بأن عـفوك أعظمُ
إن كــان لا يرجـوك الا مؤمـــنٌ فبمن يـلوذ و يستجيـر المجرمُ
أدعـوك رب كما أمرتَ تـضرعـاً فإذا رددتَ يدي فمن ذا يرحمُ
مالي إلـيـك وسـيـلـةٌ إلا الرجــا وجـــميل عفوك ثم إني مسلمُ




وله قصائد أخرى فى الزهد يعتقد أنه كتبها فى شيخوخته بعد توبته والقارئ لأبونواس فى خلاجاته النفسيه وحكايته عن ضيق نفسه وزهده فى الحياه يظن أن هذا الرجل ما كتب الا فى الزهد فهو فى زهده أحلى من أبى العلاء فى خلاجاته النفسية .


وكان له فضلا على الأدب العربى بشعره عن وصف الصيد ووصف كلاب الصيد وغيرها والتى برع فيها .


وفى النهايه فإن كثير من شعره قد ضاع بسبب عدم اهتمامه بجمع قصائده ،كما أن كثير من الأشعار عن الخمر والغزل نسبت اليه باطلا


كما أن قصه حياته وقصصه فى كتاب ألف ليلة وليلة مخترعة وهى قصص أسأت اليه عندنا نحن العرب حتى جعلنا أبو نواس أقرب إلى العربيد الفاسق أو مضحك البلاط .


ولمحبى الاستزاده من معرفه حياته أبو نواس هذا الرابط على موسوعه ويكيبديا


أستودعكم الله


مصطفى
بالنسبة لسؤال البوست اللى فات عن ماذا تفعل لو اشتعلت فيك النار؟؟
والإجابة
لا تجرى لأن الجرى يساعد على تهوية النار ومن ثم الاشتعال أكثر أما الحل السريع فهو أن تتدحرج على الأرض لإطفاء النار وقد سألت السؤال لأجد مدخل لعنوان واجباتك فى حالة الحريق وسأكتبها كامله البوست القادم إن شاء الله
ولا داعى لسؤال جديد هذه المره
فى أمان الله

تعليقات

  1. جزاك الله خيرا

    تقبل مروري

    ردحذف
  2. أولاً

    أنا مكنتش اعرف عن ابي نواس غير اسمة

    ثانياً الشعر اللي انت اخترته ليه فظيع

    روعة بجد

    ثالثاً : جزاك الله خير عن المعلومات
    لو كل شوية تظبطنا كدة شوية
    تبقي يعني آخر تمام

    انت تمام برضة مقولناش حاجة :D

    رابعاً: وبعدين انا مجبتش سيرة الجري في الناس
    انا بقول هحط عليا ماية و لو مفيش ماية هقعد علي الرمل او تدحرج عليه
    فيما معناه يعني

    والله انا بفهم
    مع اني مكنتش اعرف حكاية التهوية دية

    خامساً : بالنسبة للحاجات اللي نعملها ساعة الحريق
    طيب ماتخليها أعم الحاجات اللي نعملها لو حد وقع مثلاً : نرفع رجلة و نيمة عالارض
    نديلة سكر
    الحاجات البسيطة دية
    مش حاجات ميجور يعني

    و يبقي جزاك الله خيراً
    وهاخد ثواب بضة مليش دعوة
    ههههههههههههههههههههه

    دمت سالم

    سلامٌ عليك

    ردحذف
  3. ايوة انا عارفة ابو نواس
    قريت عنه شوية طرائف كدة زمان

    انه كان بيعرف يخرج من المازق بلباقة وكان دمه خفيف
    وقريت انه كان بيحب الخمر وبيشربه في الصباح

    بس للاسف لم اقرا كثيرا من شعره
    بل اقل القليل

    وشكرا علي المعلومات الظريفة دي عنه
    وانا للاسف مقريتش البوست اللي فات الا دلوقتي
    وعجبتني جدا معلومة ماذا لو اشتعلت فيك النيران
    وفكرة اصلا السؤال والاجابة دي حلوة
    منتظرة جديدك دائما

    تحياتي

    ردحذف
  4. انا كنت قريت عن ابو نواس... بعض الطرائف... وجزاكم الله خيرا على مختارتك الشعريه من شعره, وكمان جزاكم الله خيرا على المعلومه بتاعى الحريق... لا قدر الله, تقبل مرورى

    ردحذف
  5. حضرتك ليك تاااااااج عندي


    ممكن تستلمه

    ردحذف
  6. سبحان الله
    كان شاعر الخمر فى البدايه وشاعر الزهد فى النهايه
    اللهماجعل خير اعمالنا خواتيمها
    تحياتى

    ردحذف
  7. جميله المعلومات دي انا مكنتش اعرف عنه الا حاجات بسيطه
    شكرا يا باشا على الاستزادة
    اوعى تكون بتزعل مني لاني بقولك يا واد يا مصراوي
    عشان حساك اخويا الصغير طبعا وفرحانه بيك قوي على فكره وفرحانه اكتر بتفكيرك

    ردحذف
  8. بصراحه انا مندهش ان فيه حد لسه مهتم بالشعر العربي وان الشباب خلاص راحت عليهم مابقوش يسمعوا ولا يقروا حاجه في التراث

    ياريت تعمل موضوع عن المتنبي وتجيب برده شويه قصائد له

    ردحذف
  9. جزاك الله خيرا

    ردحذف
  10. السلام عليكم
    مواضوع جميل اوى وانا بحب الواضيع اللى عن الاشخاص ومش اى اشخاص طبعا
    تقبل زيارتى

    ردحذف
  11. حسن حنفى

    شكرا أخى على المرور والرد وأرجو الالتزام بقانون المرور الجديد

    ردحذف
  12. نعكشة

    أولا شكرا ليكى على الرد وأنا مبسوط أنى ساهمت فى أنك تعرفى أبو نواس

    ثانيا
    شكرا شعر أبو نواس جميل جدا وأنا اخترت الشعر ده بالذات لأان كتير من الناس متعرفش أن أبو نواس اللى كتبه

    ثالثا
    إن شاء الله تبعينا أنتى بس وهتكونى آخر تمام

    رابعا

    والله عارف أنك فاهمه يادكتورة نعكشه كمان أكتر منى

    خامسا
    اقتراحك ممتاز وجارى التنفيذ وتقسيم الثواب الثلث والثلثين ايه رأيك بقى ؟؟

    ردحذف
  13. kochia
    للآسف كوشيا معظم الطرائف التى رويت عن أبو نواس مخترعه كما قلنا فى المقال ويجب أن تأخذى هذه المواقف بحزر خصوصا التى رويت فى كتاب الف ليله وليله
    وإن شاء الل تتبعينا ومتعديش بوستات تانى هههههه

    ردحذف
  14. حنين

    شكرا حنين على المرور والتعليق الجميل

    ردحذف
  15. حسن حنفى

    حد يبعت حاجه لواحد ويقوله روح استلمها من عندى ياراجل ورحت استلمها لقيت ناس كتير واقفه تستلم كل دول دا انت عملت زحام رهيب وبعد ما وصلت للشباك قالولى السباك اللى جمبه ياأستاذ رحت الشباك اللى جمبه قالى لما الكمبيوتر بايظ بس فى الآخر استلمته بعد عذاب

    ردحذف
  16. منى

    يارب اجعل أفضل أعمالنا خواتيمها

    أبو نواس شاعر غريب ربنا معاه بقى

    ردحذف
  17. لماضه

    أنا والله اللى مبسوط أوى انى شفتك عندى فى المدونة ومبسوط أكثر بكلامك اللى زى العسل ده وعلى فكره أنا مش زعلان ولا حاجه أنا كنت بهزر مع أختى الكبيرة ولا ايه يالماضه

    ردحذف
  18. dr.lecter

    انا مبسوط بكلامك اوى يادكتور ومعجب بكتباتك عن السنيما كتير وموضوع المتنبى إن شاء الله أكتبه فى وقت لاحق فشاعر مثل المتنبى يجب أن يأخذ حقه فهو من أعظم شعراء العرب إن لم يكن أعظمهم

    ردحذف
  19. صانعه الأحلام

    شكرا لمرورك وجزاكى الله كل خير

    ردحذف
  20. جوجو

    شكرا على المرور وننتظر متابعاتك

    ردحذف
  21. قشطة قشطة

    لأ مقصدش الاثبات ليك اني فاهمة
    انا بثبت لنفسي
    وبعدين انا ولا فاهمةولا حاجة
    ومكنتش عارفة حكاية النار و الهوا دية

    انا جبتها كدة بالفقاقة

    هوه انت فاكر اني دكتورة بصحيح

    ههههههههههههههههههههههه

    هوه اينعم انا في كلية طب بس مبفهمش فية صراحة
    خير خير

    منتظرة كل ما هو جديد
    ونتابع منتابعش لية يعني

    دمت سالم

    سلام عليك

    ردحذف
  22. بص يا باشا
    هوا والله اعلم اغلب الروايات اللى نسبت للبيه دا بتقول انه كان سكران مش بيفوق
    كفايه انه قال اكتر من 50 قصيدة لوصف الخمر
    ممكن تكون افتراءات
    لكن الثابت انه كان شخصيه محيرة جدا
    وفى منتهى الذكاء
    تقبل مرورى

    ردحذف
  23. مقالة جميلة عرفتنى معرفة كاملة بأبى النواس , بشكرك بجد لأن فعلا اختيارك موفق , وبالنسبة للنيران ففعلا موضوع مهم , وياريت تفيدنا بمعلوماتك

    ردحذف
  24. يا زعيم جزاك الله خيرا
    انا ماكنتش عارف ان الشعر بتاع
    الهي وان عظمت ذنوبي كثرة بتاع ابو نواس
    شكرا للمعلومة الغالية

    ردحذف
  25. أضافت لي الكثير بحديثك عن أبو نواس
    وكل ما أذكره عنه هو بيت احمد رامي في أقبل الليل

    حين عانق النواس الخيام


    تحياتي
    وليد

    ردحذف
  26. نعكشة
    برضو انتى فاهمه يعنى فاهمه وفى كلية طب وهتكونى دكتورة بصحيح

    منتظر المتابعة بقى بعد أسبوع من الكشف

    ردحذف
  27. blue-wave

    واحنا قلنا غير كدا ياباشا احنا مأنكرناش قصائد الخمر

    ردحذف
  28. زى الهوا

    شكرا أنك عرفتى واستفدتى من المدونه

    وبالنسبه للنيران فالهوا بيساعد النار على الاشتعال وأنتى زى الهوا

    ردحذف
  29. alexandrany

    العفو يازعيم فعلا فيه كتير ميعرفوش أن الشعر ده بتاع أبو نواس

    ردحذف
  30. وليد

    شكرا ياوليد أنتى اللى أضفتيلى لما شوفت التعليق

    ننتظر متاباعاتك

    ردحذف

إرسال تعليق

أتشرف برأيك

المشاركات الشائعة